百佳/屈臣氏打破傳統推出全新「囍慶禮券」滿額$8000送拿破崙蛋糕優惠！

平時身邊有朋友結婚、BB滿月或者新居入伙，大家係咪都係習慣派連鎖西餅店嘅傳統餅卡呢？其實收禮物嗰個有時食到悶，選擇又太單一。百佳超級市場同屈臣氏最近就打破傳統，全新推出超實用嘅「囍慶禮券」！等收到禮券嘅親友可以全港分店自由揀食品、新鮮食材或者日用品，夠晒貼心！依家只要單次買滿指定金額，仲有超正嘅驚喜禮遇送比你。買滿$8,000或以上，即送價值$264嘅「件裝拿破崙12件換領券」一張；如果買滿$15,000，仲會送價值$528嘅「8吋拿破崙蛋糕換領券」一張！實體禮券即日起喺全線屈臣氏同指定10間百佳分店有售，9月14日起會擴展到全線百佳。而電子禮券就已經同步登陸門市同PNS網店，屈臣氏網店就會喺8月27日起推出。各位準備辦喜事或者要大量買禮券嘅朋友，記得唔好錯過喇！ 優惠詳情: 2026 年 8 月 24 日起 全線百佳/Watsons 發售