文具佬青衣城店8月結業！全店購物滿 $100 即享 8 折

文具佬青衣城店8月結業！全店購物滿 $100 即享 8 折 青衣街坊注意啦！位於青衣城嘅文具佬 Pop-up 期間限定店因為租約期滿，將會營業到 8 月 2 日。雖然夠期同大家講拜拜好唔捨得，但佢哋決定喺最後階段大搞清貨大放送，買滿指定金額就全場特價，絕對係尋寶嘅好時機！今次清貨真係誠意十足，即日起只要喺分店購物滿 $100，就可以享有全店 8 折優惠！小編幫大家睇過，場內除咗各式各樣嘅文具同生活雜貨之外，消暑必備嘅維他無糖茶同樽裝飲品最平 $5 就有交易。最正嘅係，連近年紅透半邊天嘅 Chiikawa 以及 Sanrio 系列公仔掛飾都有特價。見到佢哋咁得意，點忍心望住佢哋無家可歸，快啲帶晒佢哋返屋企啦！現場仲有高達模型同埋派對必備嘅 Board Game 遊戲清貨，大人細路去到都一定買到心頭好。不過大家要留意，好似影印紙、Casio 計數機、電腦配件等指定貨品就唔包喺 8 折裏面啦。限定店開到 8 月頭咋，住附近或者收工經開青衣城嘅朋友，記住把握最後機會去掃貨啦！